|
"Izrael: Rabini promovišu brakove gejeva i lezbijki "
Grupa rabina u Izraelu pokrenula je inicijativu da oženi gej momke s lezbijkama i do sada je sklopljeno 11 takvih brakova, među kojima ima iznenađujuće uspješnih.
Izraelski list "Haarec" je elektornskim putem intervjuisao jedan takav par. Eti i Roni, kako ih je nazvao, su oboje religiozni, a vjenčani su prije pet godina.
Oni su povjerili jedno drugom svoje seksualne sklonosti još na prvom sastanku, a spoljnom svijetu su se predstavljali kao heteroseksualni par. Sada imaju dvoje djece i smatraju se srećnim.
"Prije šest godina nijesmo mislili da će tako biti. Zamišljalii smo sve crno, da smo izgubili šansu za normalan život. Ali, danas nam je dobro. Postoji jaz, ali toga ima u svakom slučaju. Ispunjavamo ga velikom ljubavlju koju dajemo i primamo od naše djece i takođe, uživamo jednostavnu ljudsku ljubav koju dajemo jedno drugom, kakvu bilo koja dva čovjeka mogu dati i primati," napisili su oni.
Svim brakovima posredovao je rabin Areleh Harel iz jevrejskog naselja Šilo na Zapadnoj obali.
On kaže da svi njegovi parovi dobijaju podršku tima psihologa, bračnih savjetnika i socijalanih radnika, a redovno se konsultuju i sa drugim rabinima."
Tako to rade u Izraelu. I posle se svi čudimo što su tako napredni. Pa njima je i bračna zajednica Diznilend!
|
